11-20-2008, 01:45 AM
|
#1 (permalink)
|
|  يابحــــــــــــــــــــــر
| يابحـــــــــــــــــــــــــــــــــــر
هذا مكانه يابحر أعرفه زين
رغم البطا كنه هنا من ثواني
كنه هنا قبل نتفارق بعامين
قبل المطر يجتاح وجه المباني
وينه غلاتي يابحر وينه الحين
مرك .. لمحته .. مانشد عن حناني
بالله قول أنه هنا قبل يومين
ودي أحس أنه هنا مانساني
حتى الكراسي تسألك يابحر وين
من غيبته حتى الكراسي تعاني
كنه هنا قدام وجهك محبين
نرسم على سطحك كثير الأماني
شف يابحر كنا على جالك اثنين
واليوم ماغير الدمع والمواني
دونه أشوف الزين بناظري شين
وباسمه أنادي واحد من أخواني
وين السعاده ناسيتني من سنين
مدري بعد مثل السعاده نساني
ااااه يابحر الدمع في محجر العين
ماأقدر على ذكراه هزت كياني
ماأقول يسوى في عيوني ملايين
يسوى عيوني وماغلى في زماني
هو القمر في الأرض يمشي برجلين
مافيه مثله يابحر شخص ثاني
شف يابحر ماهزني غير ثنتين
فرقاه وميسم هالزمن لاكواني
لكن أمانه يابحر أحفظ الدين
لا جاك ثير الموج لهفه عشاني
قله غيابك عن حبيبك سكاكين
ماهو حرام الذبح بإنسان فاني
دايم يحن لموعدك يعرفه زين
وده يشوفك يابشر لو ثواني |  | التوقيع
|  | | | | | | |
|
|  |
... : لــوحة الـشرفـ للمتميزين بالمنتدى :...
